المطبخ 

المطبخ لا يقتصر فقط على ست البيت كل أفراد الأسرة بتستخدمه كلنا بندخل المطبخ عدد لامتناهي من المرات بنحتاج ان احنا نتجمع فية ونطبخ وناكل ونتكلم ونتفرج على TV يعني هو فعلا مصدر الحب والعمل والصحة والسعادة في البيت .

النهارده هنتكلم عن الجزء الاول من مجموعه مقالات عن المطبخ عشان نقدر نلم أكبر قدر من التفاصيل و اسئله وكل الحاجات اللي انتم محتاجين تعرفوها عن المطبخ .

مراحل تصميم المطبخ 

المرحلة الاولي : مرحله التصميم 

اول مرحله هي مرحله التصميم ازاي احدد ملامح التصميم بتاعي 

1- هنبتدي نرسم سكتش بسيط اللي لمساحة المطبخ اللي عندي يعني اعرف طول في عرض و ابتدي اعمل اسكتش بالقلم الرصاص عشان احدد عليه اهم ثلاث حاجات هي الثلاجه البوتاجاز والحوض دول بيمثلوا مثلث الحركة في المطبخ ، مثلث الحركة في المطبخ وهو عبارة عن ثلاث أضلاع وثلاث رؤوس و الثلاث رؤوس هم  التلاجة و البوتاجاز والحوض لازم الثلاث رؤوس احدد مكانهم بالضبط في المطبخ بحدد مكانهم بناء على ايه .

2- انا على ان انا اختار وضعية الحوض قريبه للمنور و البوتاجاز قريب للمنور والثلاجه تبقى بعيد عن البوتاجاز وكمان الحوض يبقى بعيد عن البوتاجاز كل واحد في ضلع منفصل ولازم اعرف معلومه بسيطه كده عن انواع تصميم المطابخ  ، 

انواع تصميم المطابخ

• يبقى عندي مطبخ افقي ودة بنستخدمه اكثر في المطابخ الصغيره بيبقى كل الاجهزه على خط واحد  تبقى الثلاجة والبوتاجاز والحوض كلهم على نفس الضلع طبعا براعي أن يبقى فيه مسافاتك كافية ما بين البوتاجاز والحوض و بين الحوض والثلاجة ده اول نوع من المطابخ وده بنلجأ لة في المساحات الصغيره جدا .
• ثاني نوع من انواع المطابخ و المطبخ حرف L اللي هو زاويه قائمه انت برده ممكن يحقق لي المثلث بتاع الحركة بس بيكون في جهزين او نقطتين على طلع واحد والنقطه الثالثه في الضلع الثاني ده ويحقق لي برده ومثلث حركه ناجح وبقدر ان انا اوزع المطبخ بتاعي بشكل كويس .
• النوع الثالث هو المطبخ حرف U اللي تبقى عندي ثلاث اضلاع هم الأساسيين في المطبخ ده برده اقدر اوزع مثلث الحركة فية بحط الثلاجه في ضلع والحوض ضلع والبوتاجاز في ضلع وده انجح شكل من اشكال المطبخ دة بيحقق السهوله والراحه في الحركة جوه المطبخ .

• 

• 

• 

بعد ما حدد ثلاث عناصر الاساسيه ثلاجه بوتاجاز والحوض ابتدي نحدد العناصر الثانوية في المطبخ زي الاسبنسر بتاع الميه والميكرويف لو في فرن اضافي غير الفرن بتاع البوتاجاز او لو في مكنة قهوة او لو في غسالة اطباق او غسالة هدوم او فلتر ميه لازم ابتدي احط العناصر كلها واكتبها و أوظفها في الاماكن المناسبه ،

 طبعا الحاجات دي هي حاجات أساسية موجودة في كل المطابخ سواء كان المطبخ كبير او المطبخ صغير لازم احدد اماكن مهما كان مساحة المطبخ ما فيش طبعا مساحة محددة للمطبخ او اصغر مساحه للمطبخ في كثير مطابخ صغيرة ، وبنقدر أننا نوظف فيها كل العناصر اللي احنا محتاجينها ، طبعا لو مفيش مساحه كافيه أننا نحط غسالة ملابس ، طبعا بننقلها في مكان ثاني بس لو مساحة المطبخ كبيرة ممكن ساعتها نضع غسالة الملابس جوه المطبخ بعد ما حددنا العناصر الأساسية والعناصر الثانوية و بتدينا نوظفها في الأماكن المضبوطة 

في عوامل أساسية كمان لازم نراعيها هي سهولة الاستخدام وكمان نظافة المطبخ وكمان توفير مساحات كافية للتخزين الحاجات بتاعه المطبخ لازم احدد نوع الاجهزه اللي انا استخدمها هل هي اجهزة built in او اجهزة عادية وكمان اشتريها لان ده مهم جدا لانني ببني علية التصميم الخاص بالمقاسات الخاصة بالمطبخ بحيث ان لما اخلص وحدات المطبخ يبقى عندي الأجهزة المستخدمة في مقاسات المطبخ ،

 لان بيحصل مشاكل ممكن اختار ثلاجه او اختار بوتاجاز وبعد ما أعمل التصميم اتفاجئ ان الحاجه دي خلصت او مش موجوده فيحصل مشكله عندي في المقاسات وتبقى اليونت او العلب بتاعه المطبخ اتعملت على المقاسات خطأ .

الفرق ما بين الاجهزه ال builtin والاجهزه العادية :

هنتكلم على البوتاجاز ، البوتاجاز العادي بيبقى على بعضها من فوق السطح للشعلات ومن تحت الفرن أما built in هو بيبقى قطعتين منفصلين فبتبقى قطعه للشعلات بتاع البوتاجاز بتتسقط في الرخام او القرص بتاعت المطبخ والفرن بيبقى برده قطعة منفصلة وحدها بتتحط في مكان لوحدها وتتقفل عليها الوحدات بتاعت المطبخ بتبقي أكنها في الجسم بتاع المطبخ و يبقى شكلها حلو جدا وبتعطي شياكه وبتدي فخامة للمطبخ الأجهزة العادية اللي بتبقى شكلها طبعا مقاساتها مختلفه على اليونت بتاعه المطبخ واحيانا بتبقى شكلها شاذ في المطبخ لان ارتفاعاتها وأحجامها بتبقى مختلفة وما ينفعش أن انت تقفل الوحدات عليها البوتاجاز او الفرن.

طيب الجهاز built in ممكن يحرق الخشب بتاع المطبخ ؟

لا طبعا مبيحرقش الخشب بتاع المطبخ وكمان احنا يجب ان نراعي في التصميم ان العلب اللي هيتحط فيها الفرن تبقى مفتوحة من الخلف عشان التهويه وكمان الحراره الزائده اللي بتبقى في الفرن بتخرج من الامام و بيبقى في فتحات تهوية في الجهاز نفسه بيخرج السخونة من قدام فما بتروحش السخونه وراء في المطبخ فلو في حرارة بتصدر يجب أن يوجد فتحات للتهوية وكمان بنعمل فتح للجريل في الوظرة من تحت بحيث ان اي حراره تطلع من المطبخ متتحبسش جوة المطبخ وتسبب اي اشتعالا أو أي ضرر للمطبخ . 

بعد ما حددت مكان الثلاجه والحوض والبوتاجاز وكمان اخترت نوع الاجهزة وكمان حددت الأجهزة الثانوية اللي انا حطاها في المطبخ نبتدي بقى مرحلة تصميم الوحدات .

و لازم نراعي طبعا ان احنا يبقى عندنا اماكن تخزين كافية للحجات اللي احنا بنستخدمها وكمان نوع الوحدات دي يبقى مناسب للحاجات اللي موجوده فيها،

 طبعا احسن نوع وحدات لتخزين الحلل الإدراج العميقة لان طبعا انت بتفتحي الدرج و تقدري توصلي لكل الحلل بتاعتك بسهول ممكن كمان احدد لو انا استخدم الجزيره اللي بتبقى في نصف المطبخ برده أحدد اذا كنت احط فيها الحوض او البوتاجاز عشان ده هيتبني علية مرحلة التأسيس اللي هنتكلم فيها بعد شوية  لازم طبعا أحطها في بالي عشان ده هيتبني عليه ان انا هوصل تغذيه أو هوصل صرف او هوصل كهرباء أو هوصل شفاط للمنطقه دى فلازم اراعي ده في التصميم كما أن يجب ان أحدد اذا كنت هستخدم التكييف في المطبخ او المروحه عشان ده في مرحلة تأسيس الكهرباء لازم احط لهم مصدر تيار كهرباء وأحدد مكانها بالضبط لو انا هضع مروحة في المطبخ لازم ابعدها عن البوتاجاز عشان وهي شغالة لا تأثر على الشعله بتاعت البوتاجاز .

وكمان أراعي في المكان الخاص بالمروحه أن هي ما تطردش الهواء بتاع المطبخ خارج المطبخ ، عشان ما تنشرش الريحه او الابخرة الغير مستحبة في باقي البيت لازم تكون متوجه ناحية الشباك او ناحيه الشفاط عشان الشفاط يبتدي يسحب هذة الابخرة بره ما يوديهاش ناحيه البيت ،

 نحاول نبعد عن المروحه اللي بتتحط في السقف لان هي طبعا ممكن توزع الروائح في البيت وتنشرها في المطبخ كله وكمان ممكن تاثر على الشعلة بتاعت البوتاجاز وكمان هي شكلها مش بيبقى مستحب في المطبخ وكمان تنظيفها صعب لان ممكن الزيوت تلتصق فيها و هيبقى تنظفها صعب كدا وكمان بتحجب الاضاءه اللي انا ممكن اعملها في السقف و بتعمل شويه عتمه في المطبخ وبتضايق المطبخ ، فنبتعت تماما عن مروة السقف ،

 ممكن استخدم مروحة حائطيه او مروحه على الكونت ، 

وحده الشفاط بعد ما انت حدد مكان البوتاجاز في التصميم بيبقى الشفاط فوق البوتاجاز عشان يسحب على طول الابخره و الزيوت والروائح الغير مستحبة .

يوجد نوعين من الشفطات :

في شفاط بيشتغل على فلاتر الكربون وشفاط بيشتغل بمروحه طرد 

شفاط الطرد طبعا بيسحب كل الابخره و الروائح المش مستحبه وعلى طول يطردها بره المطبخ وده بيتعمل له تكت مخصوص او ماسورة صرف تبقي رمية علي المنور و فيه مروحة طبعا بتعمل كل الكلام و ترمية بره .

 لو انا معنديش امكانيه او أن المطبخ بتاعي موجود و اشتريت شفاط وماعندي امكانية اني اخرم مثلا في الحيطه بتاعت المطبخ و أعمل التأسيس بتاع الطرد بتاع الشفاط فممكن ساعتها استخدم فلتر الكربون فلاتر الكربون بتشتغل على فكره انها بتسحب الأبخرة والزيوت وتبتدي تفلتلها وتسحب منها الروائح وترجعها تانى بتبقى أضعف من موضوع مروحة الطرد ولكن هو حل بديل وبرده حل عملي ولو انا عندي شفاط في شباك المطبخ هيبقى عامل مساعد ان هو يطلع الأبخرة والزيوت وكمان ينقي الهواء من الروائح المش مستحبة وممكن يكون عندي الشفطين مع بعض يعني الشفاط اللي هو في الشباك وكمان الشفاط اللى فوق البوتاجاز لان الشفاط اللى فوق البوتاجاز بيبقى شكله حلو في التصميم بيديني شياكة وأناقة في المطبخ وكمان بيحل لي المشكله اللي انا مش هينفع أمشي وحدات فوق البوتاجاز عشان السخونه وعشان الزيوت ،

وطبعا الحل اللي يبقى عندي شفاط فوق البوتاجاز هتبقى حل عملي وشكله حلو .

مكان الاكل و الجلوس في المطبخ :

كمان في مرحلة التصميم لازم احدد مكان الاكل في المطبخ، كلنا بنحتاج اننا نقف في المطبخ كثير وبنتجمع كلنا فية ، فلو مساحه كافيه اننا نعمل مكان للجلوس و للاكل ده طبعا يفضل جدا حتى لو كانت المساحة صغير لان طبعا بيجمع افراد الاسره مع بعض ولان كمان ست البيت بتقضي وقت طويل فممكن تقعد في الكورنر دة تتكلم مع افراد اسرتها ويبقى مكان ممتع تستمتع كمان بالجلوس في المطبخ ،وكمان لازم الكراسي الموجودة في المكان ده ما بتبقاش عليه قوي عشان اي حد يقدر يقعد عليه سواء كبير في السن او صغير او ست البيت يكون  مرتاح اما الكراسي العالية بتكون مش مريح ، في حاجه مهمه جدا طبعا في المطبخ لازم وانا بعمل التصميم ان انا بيظهر عندي نقط تقريبا ميتة او يصعب الوصول لها فطبعا وجود الميكانيزم او الوحده اللي ممكن انا ابتدي وانا بفتح الضرفة من الكورنر اطلعها فتتحرك معي الي برة عشان أقدر أوصل للاشياء بمنتهى السهولة ، و يفضل ان الوحدات السفليه تبقى على ارجل و متغطيه بالأستلس بحيث ان انا لو عايزه انظف تحت الوحدات في اي وقت اون انا احرك الوحدات من مكانها بتبقى سهله وعمليه انما الوضع الثابت  أو ان احط الوحدات على الارض فممكن يوصل لها المية فيحصل عفونه طبعا ودة مش عملي ومش مريح  ، 

ارتفاع الوحده السفليه مش لازم يبقى عالي قوي يفضل ان الارتفاع يبقي 87 سم لان هذا يسهل على ست البيت لان معظم السيدات بيبقوا قصيرين شويه فلو السطح بتاع قرصه المطبخ عالي قوي بيزعجهم في منطقه الحوض و منطقه الطبخ .

المرحلة الثانية هي مرحله التاسيس 

بعد طبعا المرحله الاولى هي مرحله التصميم وبعد ما حددنا اماكن كل حاجه في المطبخ واستخداماتها ندخل في مرحله التاسيس مرحله التاسيس اللي هي مرحله تاسيس السباكه والكهرباء والتكييف وغيرها من الاجهزة بنحدد توصيلاتها بناء على التصميمات المحددة مسبقا وكمان في مراحل تاسيس احنا بنحتاج ان احنا نعمل سباكه للحوض و للفلتر وطبعا للمحتاج يعمل بلاعه في المطبخ ممكن يعملها وبرده بتحتاج توصيلات للسباكة وكمان لو محتاجين نعمل صرف للتكييف بنعملها  فهذة هي مرحله تاسيس السباكه .

بالنسبه للمطبخ كمان في مرحله التاسيس للكهرباء بنحدد كل نقطه للاستخدام بتاعها يعني النقطه بتاعه البريزه بتاعه الثلاجه بتبقى في ظهر الثلاجه او في جنبها وكمان النقطه بتاعه الفرن والنقطه بتاعه الفلتر واي نقطه من النقط بتاعه الكهرباء بتبقى متحدده وراء كل جهاز على طول ونراعي كمان عندنا اضاءه للوحدات العلوية وتبقى الاضاءه تحت لوحدها وكمان عندي اضاءه في الوتر من تحت بعمل حساب مخرج كهرباء بتاعها وكمان السقف والاضاءة بتاعة السقف والمروحه طبعا زي ما تكلمنا عليها وطبعا بيبقى عندي برده تاسيس الكهرباء بتاع الشفاط والتهوية  لفرن البوتاجاز كل ده نقاط مهمه بنرعيها في التأسيس بتاع الكهرباء .

وكده نبقى خلصنا الجزء الاول من حلقه المطبخ لو المقال عجبكم ما تنسوش تعملوا شير ولايك وسبسكرايب وسيبه لي اسئله تحت في الكمنتات .